Emotional Stock Exchange

 Aaj mausam kuch garam sa tha,

Par asli garmi toh tere reaction ki thi,

Subah tu mila — full Himachal ki hawa,

 Maine halka sa tease kiya… tu bola “haha, aur suna”.

Dopahar tak scene pura ulta ho gaya,

Same joke pe tera system garam ho gaya,

Maine bola — bhai kal toh tu has raha tha isi pe?

Aaj kaunsi update aayi hai iss dil ke PC pe?

Kabhi main tujhe us dost se jod deta hoon,

Thoda mazaak, thoda mirch-masala daal deta hoon,

Kabhi tu khud hasi mein double ho jaata hai,

Aur kabhi same line pe TED Talk de jaata hai.

Samajh nahi aata — joke tha ya trigger ban gaya,

Mei comedian se seedha villain ban gaya,

Kabhi तू bolta  "Tu savage hai”,

Aur kabhi “thoda limit mein rehna bhi average hai”.

Matlab main bhi confused sa insaan ho gaya hoon,

Tere mood ka unpaid intern ho gaya hoon,

Ab mazaak karne se pehle forecast check karta hoon,

“Aaj hasne wala hai ya offend hone wala hai”.

Guess to mei karta hoon

Par ek baat clear hai, jitna bhi tu flip karta hai,

Utna hi ye dosti ka content hit karta hai.

Toh deal simple hai — tu mood thoda stable kar le,

Mei teasing ka volume thoda label kar lu,

Warna ek din main bhi bol dunga seedha,

“Bhai tu dost kam… emotional stock market zyada hai”